CAGAYAN DE ORO CITY-Mitala’g napulo ka tawo ang nabuthan sa nagkadaiyang klase sa pabuto atol sa pagsaulog sa pasko ug bag-ong tuig sa rehiyon.
Kini subay sa pagsira sa monitoring sa Dept of Health -10 diin gisugdan Disyembre 25 hangtod Enero 5 ning tuiga.
Subay sa DoH record, nag-una niini ang unom ka kaso gikan sa Bukidnon, duha sa Misamis Occidental, usa sa Cagayan de Oro City samtang may naigo sa saag nga bala sa Iligan City.
Nagbaton sa zero firecracker related incident ang Misamis Oriental ug Camiguin.
Apan bisan niini, nagpasalamat ang DoH nga misamot ang pag-ubos sa mga nabuthan itandi sa tuig 2017 nga nagbaton ang rehiyon sa 28 ka kaso.
