CAGAYAN DE ORO CITY-Gipasalig karon sa bag-ong gradwar sa Philippine Military Academy o PMA Sanggalang ay Lakas at Buhay Na Alay Para sa Kalayaan ng Ibang Bayan o SALAKNIB Class of 2017 nga dili usikan ang pagsalig nga gihatag sa katawhan kanila.
Kini human panguluhi ni PMA Salaknib 1st Class Rovi Mariel Martinez nga gikan sa Cabanatuan City ang 167 ka kadete diin siya migradwar siya nga valedictorian ug cum laude.
Sa pikas bahin,awardee usab sa Philippine Army Chief of Staff Saber Awardee si Cadet 1st Class Johnny Marohombsar sa Iligan City.
Samtang migradwar usab nga nagbaton sa ranggo nga 2nd Lt ang laing 9 ka kadete sa SALAKNIB Class 2017 nga gikan sa nagkadaiyang bahin sa rehiyon.
Kini gawas kang Cadet 1st Class Johnny Marohombsar gikan sa Iligan City nga awardee sa Philippine Army Chief of Staff Saber.
Kabahin sa maong graduates sila si PMA 1st Class Roland Tangara;Ralph Andy Ranario nga pulos taga-Cagayan de Oro City;Edemer Montero gikan sa Naawan,Misamis Oriental;Nathaniel Poncardas sa Gingoog City;Fatima Barluado ug John Vincent Calopez nga pulos taga- Manolo Fortich;Kenneth Joseph Yabo sa Malaybalay City nga pulos taga-Bukidnon;Grace Luntayao ug Paolo Gonzaga nga susama taga- Lanao del Norte.
Hisayrang sa miaging katuigan,nakabisita pa sa Bombo Radyo CdeO ang pipila sa maong mga kadete diin sila nag-aghat sa mga batan-on nga mosulod sa PMA.
