CAGAYAN DE ORO CITY – Giyam-iran ug gibasura sa kanhi napulo ka sakop sa CPP-NPA ang armadong pakigbisog kay mibalik na sila sa sabakan sa gobierno.
Kini human gi-presentar sila ni Police Regional Office 10 Director Brig Gen Lawrence Coop sa publiko ug gipalanog usab ang ilang testimonya kon giunsa sila paglingla aron mosulod sa armadong pakigbisog batok sa kagahamnan.
Miingon si Coop nga tipik sa mitahan sila alyases Spider, Kulot, Dats, Bombet, Waldo, Da Tuko, Bolt, Bing-bing, Pugon ug Joshua nga naglihok sa pipila ka bahin dinhi syudad.
Nag-operate usab sila sa mga hilit nga bahin sa Bukidnon,Misamis Oriental ug Lana del Sur.
Bitbit sa pagtahan sa maong mga rebelde ang barret-type sniper rifle.
Sa miaging semana,may tulo usab ka NPA rebels nga naglihok sa Talakag,Bukidnon-Lanao del Sur boundaries ang na-presentar sa Camp Alagar nga misalikway gihapon sa pundok nga daw nag-ilag kanila.
Samtang nahunlak pag-ayo ang moral sa napulo ka sakop CPP-NPA rason nga sila misalikway sa armadong pakigbisog batok sa gobierno.
Kini ang rason kon nganong nakahukom ang grupo ni alyas Tuko nga mamalik sa gitalikdan nila nga hapsay nga kinabuhi ubos sa gawasnong kagamhanan.
Miingon si alyas Tuko nga gisaraan sila nga haw-ason sa kalisod,hatagan sa edukasyon ang ilang pamilya ug sulbaron ang ilang mga problema apan walay natuman bisan usa.
Kini ang pinakabug-at nga rason nga nakahukom sila nga biyaan ang armadong kalihukan ug mobalik na sa gobierno aron ikauban ang ilang tagsa-tagsa ka pamilya.
