CAGAYAN DE ORO CITY – Misaka na sa 10 ka sakop sa rebeldeng New People’s Army ang napatay sa militar sa mga natigayon ang engkuwentro sa Bukidnon.
Kini human kompirmaha ni 4th ID,Philippine Army spokesperson Maj Francisco Garello Jr nga laing lima ang namatay sa 15 minutos nga sinukliay sa mga bala sulod sa kota sa ubay-ubay’ng unit sa CPP-NPA-NDF sa Sitio Cogon-Cogon,Barangay Manalog,Malaybalay City,Bukidnon.
Miingon si Garello nga nalusob sa 8th IB ug 1st Special Forces Batallion ang ‘hideout’ sa mga rebelde tungod sa impormasyon gikan sa mga sibilyan.
Nakompiskar sa tropa ang 12 ka lain-laing kalibre sa armas ug ubang kagamitan nga nabiyaan sa mga nakasibat nga mga rebelde.
Sa miaging semana,napatay usab sa 88th IB ug 1st Special Force Batallion ang lima ka rebelde sa San Fernandon ug Talakag samtang 14 ang nadakan ug 16 ka armas ang nakompiskar.
