CAGAYAN DE ORO CITY – Napatay sa militar ang napulo ka gitoohang sakop sa rebeldeng New People’s Army o NPA nga sakop sa Guerrilla Front 4-A sa Sitio Likudon, Brgy Kamanikan sa Gingoog City,Misamis Oriental.
Miingon si 4th ID spokesperson Capt Al Anthony Pueblas nga nahitabo ang engkwentro dihang nakadawat sila’g reklamo sa mga residente nga adunay 70 ka mga armadong grupo nga sakop sa Guerrilla Front 4-A sa CPP-NPA nga nagbaras-baras sa maong lugar.
Gawas sa mga patay’ng lawas, narekober usab sa crime scene ang lima ka high-power firearms, ammunition, landmines, cellphones ug subversive documents.
