Mikalas sa napulo ka medical ug administrative staff ug 22 ka sibilyan ang nasamdan sa drone strike nga mitarget sa Al-Jabalain Hospital sa White Nile State, Sudan.
Mipadayag ang Ministry of Health nga ang drone gikan sa Rapid Support Forces (RSF) ang nakapatay sa mga staff samtang nagserbisyo sa mga pasyente.
Lakip sa mga biktima ang director general sa hospital nga si Dr. Hamid Suleiman, kinsa namatay samtang nag-opera.
Ang ministeryo mikondena sa padayon nga pagpangtarget sa mga sibilyan, nga giingon nga klarong paglapas sa internasyonal nga balaod ug mga pamalaod.
Ministry of Foreign Affairs misulti nga kini mao ra ang health facility nga nagserbisyo sa mga residente sa lugar, ug ang pag-atake usa ka grabe nga paglapas sa humanitarian norms.
Sukad sa pagsugod sa gubat tali sa Sudanese Armed Forces ug RSF niadtong Abril 2023, gibanabana nga napulo ka libo ang namatay ug milyon ang napalayas, ug ang WTO nagtala og 2,036 ka patay sa 213 nga atake sa mga pasilidad panglawas.
