CAGAYAN DE ORO CITY, Philippines – Nalubong na ang napulo ka tawong namatay human mibusikad ang Bulkang Lewotobi Laki Laki sa Flores Island, Indonesia.
Namahayag si Petrus Muda Turan, Village Head sa Klatanlo Indonesia nga nagkalisud ang rescue teams sa pagpabakwit sa uban pang mga biktima tungod sa kabaga sa asupre nga gibugah sa bulkan.
Gibutyag sa Indonesian Disaster Management Agency nga human sa pagbusikad sa bulkan, natigayon usab ang lapad nga lava flow nga maoy misunog sa daghang mga puy-anan, ug gambalay, nga gilakipan sa usa ka monastery sa Wulanggitang district ug upat ka komonidad sa Ile Bura district.
Gibana-bana nga anaa sa 10,000 ka residente ang apektado sa kalit nga pagbusikad sa bulkan.
Kini na ang ikaduhang pagbusikad sa Mt. Lewotobi Laki Laki, kundiin ang unang pagbusikad nahitabo niadtong bulan sa Enero.
Naila ang nasud sa Indonesia sa may pinakadaghang aktibong bulkan, kundiin 130 niini ang nag-alburuto sulod ning tuiga.
Epekto kini sa lokasyon sa nasud nga anaa sa “Pacific Ring of Fire.
