CAGAYAN DE ORO CITY – Samaran ang upat ka sundalo sa engkwentro tali na sa mga rebeldeng New Peoples Army sa Brngy Busdi, Malaybalay City, Bukidnon.
Gibutyag ni 403rd Infantry Brigade Commander Lt Col. Ferdinand Barandon nga nahitabo ang engkwentro dihang natagbo sa militar ang mga NPA samtang nagpahigayon sila sa combat operation.
Narekober sa crime scene ang mga nagkadaiyang kagamitan sa walhong grupo nga gilangkuban sa mga tambal ingon man mga improvised explosive device o landmine.
Nagpadayon pa ang manhunt operation sa militar batok sa nakasibat nga mga NPA’s.
Samtang gibutyag usab ni 4th ID spokesperson Capt Al Anthony Pueblas nga napulo ka samaran nga sundalo ang nakadawat sa Wounded Personnel Medal diha sa Camp Evangelista Station Hospital sa Brgy Patag ning syudad.
Maoy gipasidunggan ang usa ka officer ug siyam ka enlisted personnel gumikan sa ilang pagbuhis kinabuhi nga serbisyo sa katawhan sa amihang Mindanao ug Caraga regions.
Miingon si 4th ID spokesperson Capt Al Anthony Pueblas nga maoy gihatagan sa medalya sila si 1Lt Jobert Acut, Corporal Crisanto Acar, Corporal Joselito Arsenas, Corporal James Ylanan sa 65th Infantry Battalion, 9th Infantry Division; Staff Sergeant Aristio Ampoloquio, Corporal Nieljohn Arandela, Private First Class Richard Tagunan, Private First Class Jambie Patilan ug Private First Class Virgel Batle sa 65IB.
