CAGAYAN DE ORO CITY- Anaa lamang sa 10 porsiento ang nagtrabaho sa mga trabahante sa gobierno sa Colombo,Sri Lanka.
Kini human sunod-sunod nga pabuthi’g mga bomba ang sentro nga bahin sa maong nasud sa pagsaulog sa Easter Sunday.
Sa interbyu sa Bombo Radyo kang Pinay worker Lorna Hettiarachy nga naminyo’g Sri Lankan national nga mas gipili sa katawhan nga dili una motrabaho tungod sa ka peligro sa lugar diin daghang bomba ang gibilin sa wala mailang mga responsable.
Miingon si Hettiarachy nga gisuspenso usab sa gobierno ang tanang klase sa elementarya hangtod sa mga unibersidad sugod kagahapong adlawa.
Mitala na sa 310 ka tawo ang namatay samtang 500 ang samaron sa pagbusikad sa mga bomba sa tulo ka simbahang Katoliko ug pipila ka five star hotels sa Sri Lanka.
