CAGAYAN DE ORO CITY – Nakaisa ang taas nga alerto sa seguridad sulod ug gawas sa bisinidad sa Divine Mercy Shrine diha sa Brgy Ulaliman,El Salvador City,Misamis Oriental.
Kini tungod sa gilauman nga pagdagsa sa 80 hangtod gatos-mil ka deboto nga maggikan sa nagkadaiyang bahin sa nasud alayon sa kapistahan niini ugmang adlawa.
Miingon si Divine Mercy Shrine spokesperson Debbie Gatab nga aktibo na ang incident management team aron mohatag sa hugot nga pagbantay sa seguridad ug sa kahimtang sa panglawas sa mga deboto tungod usab sa grabeng kainit sa adlaw ning semanaha.
Hisayrang gadagsaon ang maong shrine tungod sa mga testimonya sa ubang mga deboto sa mga kaayuhan sa ilang mga sakit ug pagkatuman sa pipila sa mga gipangayo niini ngadto sa Ginoo.
