(Update) CAGAYAN DE ORO CITY-Nagsaka pa sa 61 ka sakop sa teroristang Maute ang kumpirmadong nakalas sa dul-ag semana na nga engkuwetro diin sila gigukod sa militar sa Marawi City,Lanao del Sur.
Kini subay sa narekober sa militar nga mga patay’ng lawas sa mga terorista sa gilusad nga retrieval operations kuyog sa kapolisan sa sentro nga bahin sa Marawi City kagahapong adlawa.
Namahayag si 1st ID Tabak,Philippine Army spokesman Lt Col Jo-ar Herrera nga daghang patay’ng lawas usab sa mga sibilyan ang nakit-an nga gipang-patay sa mga terorista.
Giangkon usab sa militar nga 14 sa ilang kauban ang namatay samtang 45 ang samaron.
