Courtesy of Guinsiliban Municipal Police Station – Camiguin Province
CAGAYAN DE ORO CITY – Kapin kun kulang 100 ka mga motorista ug komuters ang na-stranded sa Guinsiliban national highway human makasinati sa landslide kaganina sa buntag.
Namahayag si Police Master Sgt. Sonny Sabuero, hepe sa Guinsiliban Munisipal Police Station nga posibleng mihumok ang yuta kilid sa ilang dalan tungod sa tibook adlaw nga pag-ulan, hinungdan nga nahugno ang maong bahin sa Sitio Lauan, ug nagresulta sa pagkalangkat sa mga dagkung kahoy.
Sa pagkakaron, nagpadayon ang road clearing.
Una niini, nagkalisud ang mga motorista sa pag-agi sa maong dalan tungod sa daghang punuan nga nakababag sa dalan.
Mitabang na ang Guinsiliban Municipal Police Station sa road clearing ug pagpasilitar sa mga mangagi nga mga sakyanan.
