Andam na ang napulo ka libo ka libreng food packs nga adunay kaubang tubig ug soft drinks nga ipanghatag sa kagamhanan sa lokal nga bida sa ilang pagsaulog sa pista ning Biyernes
Sumala sa gipahayag ni Jade Adeser nga Information Officer sa Siyudad sa Cagayan de Oro nga adto pagahimoon ang maong pag-apud-apod sa City Amphitheater aron mas luag ug malikayan ang pag-uot sa mga tawo kon itandi sa City Hall.
Dugang pa niya nga bukas ang maong libreng pagkaon para sa tanan nga gustong mamista bisan kadtong dili lumad nga taga-siyudad basta lang andam silang molinya sa maong dapit.
Gipasalig usab sa opisyal nga adunay gipakatap nga mga pulis ug RTA alang sa siguridad sa publiko samtang gilauman usab ang hamugaway nga panahon sa adlaw sa kapistahan.-
