CAGAYAN DE ORO CITY-Gihataga’g pagtahod ug pasidungog sa PNP-10 ang 107 ka miembro sa Regional Public Safety Batallion o RPSB Northern Mindanao nga kabahin mi-abag sa giyera batok mga terorista sa Marawi City.
Gihatagan sa medalya ng kagalingan,cash incentives ug duha ka semana nga bakasyon tungod sa pagbuhis kinabuhi sa maong syudad.
Mismo si PNP regional director C/Supt Timoteo Pacleb ang mitunol sa pag-ila sa pagka-bayani sa maong mga pulis sinaksihan sa ilang mga pamilya atol sa simple nga seremonya Camp Alagar ning syudad kagahapon sa buntag.
Hisayrang pinakaunang mihimo’g responde ang RPSB-10 dihang giatake na sa mga teroristang Maute-ISIS ang Marawi City sa miaging Mayo 23,2017.
