CAGAYAN DE ORO CITY- Mibalik sa sabakan sa gobyerno ang anaa sa 108 ka miembro ug supporters sa New Peoples Army o NPA sa Brgy Poblacion, Impasug-ong Bukidnon.
Gibutyag ni 8th Infantry Battalion Commander Lt. Col Ronald Illana nga lakip sa mga mitahan ang usa ka regular NPA member nga si alyas Vargas, 27 ka militia ng bayan ug 80 ka NPA underground mass organization members.
Miingon si Illana nga mitahan ang maong mga individaual pinaagi sa ilang Community Support Program team ug bitbit ang M16 rifle ;unom ka magazines loaded sa 148 rounds nga 5.56mm, S&W 375 revolver magnum ug homemade shotgun.
Sa pagkakaron giandam na ang tabang pinansyal nga ihatag alang sa mga misurender.Samtang nabalaka na ang mga commanders sa New Peoples Army nga lakip na usab ang nabilin nilang mga miembro ang moapil pagtahan sa gobyerno.
Kini ang gikumpirma ni 403rd Brigade Philippine Army commanding officer Col Edgardo de Leon sa pakighinabi sa Bombo Radyo.
Gibutyag ni de Leon nga bisan magsanong sa sugo sa lawas ang mga miyembro sa NPA gabantanan sila sa ilang lider sa kahadlok nga manibat kini.
