CAGAYAN DE ORO CITY – Lab-ason na usab sa mga sakop sa prensa nga nakabase ning syudad ang laing tuig sa pagpangayo’g hustisya sa kamatayon sa 58 ka tawo nga biktima sa ngilngig nga masaker sa Maguindanao.
Kini human mitakdo na sa ikanapulo ka tuig ang pagdungog sa kasong mutiple murder batok sa pamilyang Ampatuan nga utok sa maong masaker niadtong Nov 23,2019.
Miingon si NUJP Misamis Oriental-Cagayan de Oro chapter Pres Pamela Jay Orias nga may aktibidad usab nga himoon ang local media diha sa Press Freedom Monument sa capitol grounds ning adlawa.
Dugang ni Orias nga mobisita usab si kanhi presidential spokesperson Atty Harry Roque kinsa kabahin sa kanhi mga abogado sa mga pamilya sa 32 ka sakop sa media nga napatay sa maong masaker.
