CAGAYAN DE ORO CITY – Kutob na lamang sa pagbangutan ang pamilya sa 11 anyos nga batang lalaki nga unang naanod gikan sa Brgy Gango,Libona,Bukidnon ug nakit-ang wala na’y kinabuhi nga nasangit sa kahoy sa Zone 7,Malasag,Brgy Cugman ning syudad.
Giila ni Police Senior Master Sgt Francis Fortunato sa Cugman Police Station ang biktima nga si Justin Puson nga nagpuyo sa maong lugar.
Gibutyag ni Fortunato nga subay sa ilang pagduki-duki,mitabang sa pagtulod sa namatya’g makina nga multicab ang biktima sa ilang dapit sa dihang kalit usab kining naanod sa bul-og sa tubig-baha sa miaging adlaw.
Gilayong dad-on ang biktima sa ilang pinuy-anan alang sa pila ka adlaw nga haya ayha ihatod sa katapusang pahulayan.
