CAGAYAN DE ORO CITY – Naugdaw ang 11 ka panimalay sa sunog nga natigayon diha sa Sitio Lagpan, Kauswagan ning syudad kaganinang kadlawon.
Paspas nga gilamoy sa kalayo ang mga balay kay pulos kini ginama sa light materials.
Migawas sa imbestigasyon sa mga tinugyanan sa City Fire Dept. nga nagsugod ang kalayo sa panimalay ni Denny Antay.
Apan gisuta pa sa mga imbestigador kon unsay hinungdan sa sunog ug kon pila ang damyos niini.
Una niini, gikompirmar sa fire victim nga si Edmar Valdehueza nga nag-umpisa ang kalayo sa lawak sa panimalay sa pamilyang Antay.
Samtang nanawagan ug hinabang sa city hall ang mga pamilyang biktima sa sunog diha sa Sitio Lagpan, Kauswagan ning dakbayan.
Gibutyag ni Edmar Valdehueza nga gihurot lamoy sa kalayo ang ilang mga gamit ug solong sapot sa lawas lamang ang ilang nabitbit.
Gibutyag niini nga nanginahanglan sila’g pagkaon ug materyales nga pwedeng magamit sa subling pagpabarug sa balay.
