CAGAYAN DE ORO CITY – Magamit bisan unsang oras ang nabiling 11 ka FA-50 fighter jets sa Philippine Air Force nga temporaryong gipahunong una ang mga paglupad ug mga misyon alang sa internal ug external security threats sa nasud.
Kini ang kahupayan nga tubag ni Air Force spokesperson Col. Maria Consuelo Castillo nunot sa kabalaka nga mohatag sa paghuyang sa seguridad sa nasud ang wala pagpagamit sa maong mga eroplano.
Siya miingon nga misanong sila sa mando ni Pres Bongbong Marcos nga mopaubos una sa imbestigasyon ang PAF air assets sa pagsiguro nga dili na masubli ang gidangatan sa duha nila ka piloto.
Hisayrang ayha nakaabot sa Villamor Airbase ang patay’ng lawas nila ni Major Jude Salang-oy ug 1 Lt April John Dadulla,gihatagan una sila’g departure honor sa Philippine Air Force ug Philippine Army sa Lumbia Airbase kaganihang sa hapon.
