Balik-paglupad na ang 11 ka FA-50 fighter jets nga gikan gipaubos sa administrative grounding sa miaging Marso ning tuiga.
Kini human imando nga dili una ipalupad kay nahagsa ang usa niini nga gisakyan sa mga piloto nga sila Major Jude Salang-oy ug 1st Lt April John Dadulla sa bukid sa Kalatungan,Brgy Mirayon,Talakag,Bukidnon.
Matud ni Philippine Air Force spokesperson Col. Maria Consuelo Castillo nga gisugdan ang pagpabalik-lupad sa maong mga eroplano sa milaba’yng Marso 25.
Siya miingon nga wala usab kini nagkahulugan nga natibawas na ang imbestigasyon sa gidangatan sa duha ka piloto kay gihan-ay pa sa mga imbestigador ang nakuha nga mga ebedensiya.
Dumduman nga gikamatay ni Salang-oy ug Dadulla ang nahitabo kanila kay nahagsa ang ilang gisakyan samtang kabahin sa mihatag sa aerial support sa tropa sa 4ID,Philippine Army nga adunay gilusob nga 70 ka CPP-NPA combatants sa Cabanglasan,Bukidnon sa miaging Marso 4 ning tuiga.
Si Salang-oy gikan sa Cordillera Administrative Region samtang si Dadulla ang lumad taga-Brgy Ala-e,Manolo Fortich,Bukidnon.
