CAGAYAN DE ORO CITY- Nasikop ang 11 ka wanted personalities sa managlahi nga operasyon sa kapolisan sa Northern Mindanao kagahapong adlawa.
Namahayag si PNP regional spokesperson Supt Lemue Gonda nga kabahin sa mga nasikop sila si Rolly Malolot nga nag-atubang sa kasong pagpayuhot sa gidiling droga sa Brgy Upper Loboc,Oroquieta City,Misamis Occidental.
Nasikop usab si Carlos Dechos tungod sa kasong frustrated parricide nga nagpuyo sa Sitio Mianlas,Marapangue,Kibawe,Bukidnon.
Balhog gihapon sa prisohan si Ronnie Enoferio Ansing kinsa nag-atubang sa kasong frustrated homicide nga pagpuyo sa Barangay Libertad,Calamba,Misamis Occidental.
Kabahin sa mga nasikop sila si Alexandro Oracion Ebale nga na nakasupak sa RA 9262 sa P-3, Brgy Lapasan,Clarin, Misamis Occidenta;Rodrigo Duamis Molina sa kasong RA 9262 sa Renato O. Parojinog Street, Brgy 50th District, Ozamiz City, Misamis Occidental;Ronelio Yano Bagundol nga may kasong frustrated homicide sa Brgy. Landing, Baliangao, Misamis Occidental; Laudio Enderes Legados sa kasong rape sa Brgy Dioyo, Sapang Dalaga, Misamis Occidental;Nelson Matundac nga may kasong falsification by private individual and use of falsified documents sa P-3, Brgy Tuburan, Aloran sa Misamis Occidental; Alberto Abella Jr sa kasong Comelec gun ban sa Brgy Centro Napu, Tudela, Misamis Occidental; Lynie Subuero Tistigo sa kasong grave oral defamation gikan sa Barangay Mosangot, Binuangan, Misamis Oriental ug Arnold Oira Bama kinsa kanhi police officer nga may kasong malversation of public property sa Misamis Occidental Provincial Reformatory and Rehabilitation Jail, Oroquieta City sa Misamis Occidental.
Gibutyag ni Gonda ang maong mga dinakpan ang gitugyan na sa nagkadaiyang bilangguan samtang naghulat dunggon ang mga sumbong nila sa korte.
