CAGAYAN DE ORO CITY – Ipasaka ning semanaha ang kasong Philippine Fisheries Code of 1998 batok sa 11 ka tawo nga nasapon nga mibiyahe sa giant clams o taklobo sa Koresco Checkpoint, Brgy Lumbia ning syudad.
Giila ang mga nasikop nga silai Diosdado Abellana, 29 anyos, residente sa Brgy. Mambuaya ning syudad; Ronel Pilarca, 30 anyos; Christhoper Pornia, 28 anyos pulos taga Quezon, Bukidnon; Ricky Sunogan, 50; Larry Salvan, 45; Arnel Sanchez,49; Peterson Suan, 55; Ricky Allones, 35; Jed Ragmac, 29; Ramil Villagracia, 19 ug Michael Paler, 24 pulos gikan sa nagkadaiyang lungsod sa Misamis Oriental.
Gibutyag ni City Mobile Force Company commander Lt. Col Alexy Sonido nga ilegal ang pagpamaligya sa endangered species subay sa nakalatid sa Philippine Fisheries Code of 1998.
Hisayran nga muabot sa 8,000 kilogramos sa dagkog taklobo ang nakompiskar sa kapulisan gikan sa mga mananagat.
