CAGAYAN DE ORO CITY – Kabahin ang daghang mga kongresista gikan sa Northern Mindanao nga mipirma pabor sa impeachment case ni Vice Pres Sara Duterte sa kamarabaha.
Subay sa gisulti ni House Secretary General Reginald Velasco kini gilakipan mismo ni Cagayan de Oro 1st District Cong. Lordan Suan,duha ka kongresista sa Misamis Oriental nga sila Christian Unabia ingon man Bambi Emano,Camiguin Cong. JJ Romualdo ug Iligan City Celso Regencia.
Apil usab sa mipirma aron ipalagpot sa pagka-bise presidente si Sara ang mga tanang mga kongresista sa Misamis Occidental nga sila Jason Almonte sa distrito uno ug Sancho Oaminal sa ikaduhang distrito.
Samtang sa Bukidnon,bugtong si Cong. Jose Maria Zubiri lang ang wala mipirma gikan sa upat ka distrito niini.
Nagpasabot nga pulos gusto nila ni Cong. Jose Manuel Alba sa 1st District Bukidnon;Cong. Jonathan Flores -District 2 ug Cong. Laarni Roque sa 4th sa District Bukidnon ang pagsipa sa puwesto kang Sara.
Susama usab ang kagustuhan Cong. Sittie Amienah Dimaporo sa District 2 sa Lanao del Norte ug supak usab si Lanao del Norte 1st District Cong. Khalid Dimaporo.
Apan wala mopirma si District Cong. Rufus Rodriguez sa distrito dos sa Cagayan de Oro sa pagsipa puwesto kang VP Sara.Napadala na sa senado ang maong reklamo ug gitakdang dunggon sa Hunyo ning tuiga.
