Patay ang tanan sakay sa light aircraft o gamay nga eroplano nga mitabogsok sa Tsimba Golini area sa Kwale County, Kenya.
Gimaneho ang abyon sa piloto gikan sa Mombasa Air Safari, gikan sa Diani Airport padulong sa Kichwa Tembo sa Maasai Mara.
Wala na maka-abot sa tugpahanan ang abyon dihang kalit nga mihagsa sa kakahuyan sa Golini ug duol sa baybayon sa Inidan Ocean.
Namahayag ang Kenyan Civil Aviation Authority nga lakip sa nakabsan ang walo gikan sa Hungarian, duha gikan sa Germany, uban ang Kenyan nga piloto.
Hisayran nga halos wala nay marekober sa lawas sa mga biktima human kini masunog ug sapot nalang ang bilin. Nagpaabot pa ang mga otoridad sa imbestigasyon sa CAA kung unsa ang matuod nga hinungdan sa ngilngig nga aksidente.
