Misaka pa sa 11 ka tawo ang namatay human nagbangga ang usa ka pasahero nga bus nga nagdala sa medical staff ug pasyente batok sa trak sa sentro sa Namibia sayong buntag sa Biyernes, duol sa Otjiwarongo.
Nahitabo ang insidente alas 6:00 sa buntag sa highway nga nagdugtong sa sentral ug amihanang bahin sa nasud, dihang gikan sa Khorixas ang bus ug nakabangga sa trak.
Nakumpirmar sa mga awtoridad nga 11 ka tawo ang namatay diha-diha sa bangga samtang nagpadayon ang recovery operations sa lugar.
Ang forensic teams sa Namibian Police, traffic officials ug Motor Vehicle Accident Fund gipadala gikan sa Windhoek aron motabang sa pag-ila sa mga biktima ug sa imbestigasyon sa hinungdan sa aksidente. Gipahibalo sa mga opisyal nga sensitibo pa ang lugar tungod sa nagpadayon nga recovery efforts.
Ang mga patay dad-on sa Windhoek alang sa forensic examination.
