(Update) CAGAYAN DE ORO CITY-Samaron ang pipila ka sakop sa 8th IB Philippine Army sa lima ka minutos nga engkwentro batok NPA terror group sa Sitio San Luringan Brgy. Kalangaan, Cabanglasan Bukidnon sa miaging adlawa.
Kini ang gikompirmar ni 403rd Civil Military Officer ead Capt Norman Tagros human sila makadawat sa daghang klase sa pagpakitabang sa mga lumad nga gipangharas sa mga sakop sa Guerilla Front Committee 89.
Dili usab makompirmar sa mga militar kung dunay namatay sa mga sakop sa mga NPA tungod kay labing daghan sa ilang mga na-engkwentro pulos nagbaton sa grabeng samad tungod sa mga lama sa mga dugo sa encounter site.
Hinoon, anaa na sa maayong kahimtang ang mga samaron sundalo gikan sa 81B.
Samtang naangol usab ang tulo ka sakop sa 403rd IB ug laing upat ang kritikal sa kampo sa NPA terror group sa 30 minutos nga engkwentro sa hilit nga bahin sa Mahayag, Quezon Bukidnon.
Gikompirmar ni Tagros nga nangatapsingan lamang sa mga bala ang samarong sundalo kinsa anaa na sa maayong kahimtang.
Una niini, nanawagan si Tagros sa mga paryente sa NPA nga samaron nga ikanaug ang ilang mga pasyente kay kanunay andam ang gobyerno nga hatagan sila sa tabang medical.
