114 gasoline stations face legal action for failing to implement proper Gasoline Price Rollback. Discover the penalties and DOE's next steps.

Gibutyag ni Oil Industry Management Bureau Dir. Rino Abad nga miabot sa 213 ka gasoline stations ang ilang nasusi sa gipahigayong inspeksyon niadtong Nobyembre 10 hangtud 13, diin 114 niini ang nadiskubreng wala motuman sa hustong pagpaubos sa presyo.

Sumala sa ahensya, inay nga ipatuman ang sakto nga rollback sa presyo, kulang o dili tukma ang gipatuman nga price reduction sa pipila ka estasyon.

Matud ni Abad, personal nilang gisusi ang 97 sa maong mga gasoline stations aron masiguro ang pagsunod sa direktiba.

Niadtong Biyernes, pormal nga girekomenda sa grupo ngadto sa legal department sa DOE ang inspection report alang sa tukmang nga legal nga aksyon.

Dungan niini, nagtigom usab niadtong Biyernes ang mga field offices ug legal services aron hisgutan ang mga lakang nga pagabuhaton sa mga kasong ipasaka batok sa mga nakalapas.

Sumala sa ahensya, duha ka nag-unang balaod ang gamiton sa pagsusi sa mga dokumento kon moabot sa pormal nga kaso ang mga paglapas, lakip na ang Oil Regulation Law diin ang kapakyasan sa pagsunod sa mandated price adjustment kay mahimong masilotan og pagkabilanggo sulod sa tulo ka bulan hangtud usa ka tuig ug multa nga gikan sa ₱50,000 hangtud ₱300,000. (raniel mahunyag)