CAGAYAN DE ORO CITY, Philippines – Mikalas na sa 114 ka tawo ang lihok-protesta sa mga sibilyan nga milanding sa kagubot, sulod na sa kapin semana. Gikalagot sa katawhan ang gi-adaptar nga Job Quota System nga gipaluyuhan sa Bangladesh Civil Service.
Ang “quota” nagpasabot nga alang lamang ang usa ka partikular nga trabaho sa pipila ka mga grupo nga dunay kaliwat sa mga manggugubat o Freedom Fighters sa nahitabong Bangladesh Liberation War; relihiyoso ug etnikong minorya; mga distrito nga kulang sa representasyon, ug mga grupo nga dunay kasilik-an sa panglawas.
Kagahapon, gipatuman ni Bangladesh Prime Minister Sheikh Hasina ang nationwide curfew ug pagputol sa internet aron mapakalma ang naglurang nga kalayugot sa katawhan sa ilang gobyerno.
Gawas niini, gi-implementar sa gobyerno ang pagpahilom sa state ug private media groups; pagtuman sa news blackout batok sa bayolente nga pagtratar sa mga sundalo sa gobyerno sa mga sibilyan nga mihimog demonstrasyon sa kadalanan.
Pinakadaghan sa mga nakabsan mao ang mga magtutungha sa kolehiyo nga gitumbok nga nag-inisyar sa mga lihok protesta kapin semana na ang nakalabay.
