(Update) CAGAYAN DE ORO CITY- Misaka pa sa 80 ka teroristang Maute,17 ka sundalo ug tulo ka pulis ingon man 19 ka sibilyan ang nakalas sa kapi’g semana nang engkuwentro sa Marawi City,Lanao del Sur.
Kini human dugang patay’ng lawas sa mga terorista ang nakuha sa militar ug kapolisan sa mga lugar nga nagpadayon ang engkuwentro.
Matud ni 1st ID Tabak Philippine Army spokesperson Lt Col Joar Herrera nga nabawi usab nila gikan sa mga terorista ang 55 ka tag-as nga kalibre armas nga gilakipan sa rocket propelled grenade ug 50 caliber machine guns.
Natala na usab ang 576 ka sibilyan ang naluwas gikan sa pagka-hostage nila sa teroristang Maute.
