CAGAYAN DE ORO CITY-Giandam na sa kapolisan ang kasong rape with homicide batok sa 12 anyos nga batang lalaki nga gitumbok sa testigo nga ulahing nakauban sa 5 anyos nga babae nga gilugos ug gipatay sa Gitagum, Misamis Oriental.
Kini human miggawas sa imbestigasyon sa kapolisan nga kumpirmadong ang 12-anyos nga suspek maoy responsable sa maong krimen.
Matud ni Gitagum Police Station commander Sr/Insp Ron Baba nga dako ang posibilidad nga mahimo sa suspek ang pagpanglugos ug pagpatay sa biktima ilabina nga naanad kini sa paghimo’g krimen sama sa pagpangawat ug mga petty crimes.
Dugang niini nga lahi-lahi usab ang testimonya sa suspek sa gihimong interogasyon sa mga imbestigador.
