CAGAYAN DE ORO CITY – Patay na nga napalgan ang grade 6 pupil nga naligo’g suba sa Lower Tambo, Brgy Macasandig ning syudad.
Giila ang biktima nga si Cherry Mea Pamisa, 12-anyos ug molopyo sa Upper 20th Street Brgy Nazareth sa syudad.
Gibutyag ni Macasandig Police Station Officer-Incharge Lt. Engilbert Edeo nga naligo ang biktima kauban sa iyang mga higala dihang kalit nakapadulong sa sulog nga bahin sa suba sa miaging adlaw.
Una nang gipangita sa Oro Rescue ug Philippine Coast Guard ang biktima apan pakyas nila makit-an.
Hisayrang nangaligo’g dali-dali ang biktima kuyog sa mga silingan niini kay dili na sila makahimo niini tungod sa pag-balik na sa klase sa South City Central School sa syudad sunod semana.
