CAGAYAN DE ORO CITY – Naabtan pa sa kapin 24 oras ayha milutaw ang lawas sa 12 anyos nga batang babaye human gitoohang nalumos samtang naligo sa suba sa Zone 5, Brgy Natumulan, Tagoloan,Misamis Oriental.
Gibutyag ni Tagoloan MDRRMO team leader Jennifer Pagara nga giila ang biktima nga si alyas Mary, molopyo sa maong dapit.
Segun sa report, kalit nawala sa pagsalom-salom ang biktima human gitoohan kining napadulong sa kinalutan sa backhoe sa Sanja Nabulod,Brgy Baluwarte.
Hinoon, nagtoo ang pamilya sa biktima nga walay foul play sa hitabo ilabina nga mga gagmay’ng bata ra ang kauban niini. Una
ng gipadayag sa ginikanan sa namatyan nga dunay sakit sa kasing kasing ang biktima ug dili kabalo mulangoy.
