CAGAYAN DE ORO CITY- Ilogan sa 12 ka guwapa ug dunay lantip nga salabutan ang korona sa indigay sa Ms Cagayan de Oro 2019 sa Limketkai Atrium ning syudad takdo alas 7:00 sa gabii.
Kini isip kabahin sa highlights sa pagsaulog sa kapistahan ni Sr San Agustin sa dakbayan sa Agosto 28 ning tuiga.
Miingon si Ms CdeO organizing committee chairman Mags Cue nga dili lamang kaanyag ang magpatigbabaw sa mga kandidata apan masayran usab sa publiko ang ilang tagsa-tagsa ka choosen careers.
Masaksihan usab sa publiko ang pagsilbing Kagay-anons sa mga kandidata nga naghupot sa world class beauties.
Kabahin sa mga kandidata sila si Ana Dimarucut sa Brgy. Macasandig, Tasha Yalong nga taga Brgy. Carmen, Pauline Pielago nga gikan sa Brgy. Carmen ning syudad.Dili usab magpaulahi sila si Vincy Vacalares nga taga Brgy. Camaman-an, Reese Oguis sa Brgy. Macabalan, Cindy Obeñita nga gikan sa Brgy. Carmen, Nicole Ramos nga taga Brgy. Balulang, Claudine Damasco sa Brgy. Kauswagan, Steffanie Fabre sa Brgy. Baikingon, Kimberly Magdugo sa Brgy. Puntod, Souarthizae Violon sa Brgy. Kauswagan ug Angelica Cudal sa 40 ning syudad.
Samtang morampa usab sa katapusang higayon sa coronation night si 2018 Ms CdeO Mary Chris Suico nga garbo sa Brgy Macasandig ning dakbayan.
