Lima na ka pasilidad ang naghatag sa libre nga anti-retro viral drugs (AVR) ang sa mga tawong adunay Human Immunodeficiency Virus.
Gibutyag ni Department of Health – Center for Health Development Northern Mindanao (DOH-CHDNM), Infectious Disease Cluster Head Dr. Wellaflor Kindom Brito, tolo sa nahisgutang treatment hubs nahimutang sa lungsod sa Cagayan de Oro, partikular na sa Northern Mindanao Medical Center, City Health Office, ug ang pinakabag-o mao ang ACE Medical Center.
Ang nahibiling siyam nahimutang sa Bukidnon, Misamis Oriental, Misamis Occidental, ug Lanao del Norte. Namugos si Dr Brito nga ang pagdugang sa pasilidad sa treatment hubs nagpasabot nga nagkalapad ang libre nga serbisyo sa gobyerno gumikan sa nagkataas nga hulga sa pagkuyanap sa HIV sa Northern Mindanao. Dinhi sa rehiyon, anaa sa kapin 4,000 na ang kaso sa bulan sa Marso.
Subay sa maong ihap, ang DOH-Central Office nagpagawas bag-ong data nga matag adlaw adunay 57 ka mga bag-ong kaso ang matala kundiin nagsumikad kini sa age group nga 15 hangtud 24.
“Men having sex with men” (MSM) o lalaki nga nakighilawas sa usa ka lalaki ang kategorya nga may pinakataas nga kaso.
Gi-awhag ni Dra Brito ang mga batan-on nga magbaton sa disiplina sa kaugalingon, kung makadesisyon sa pakighilawas, aron makalikay sa HIV.
Samtang, mi-apelar sa DOH-10 sa tanan nagduda nga muduol sa CHO aron mahatagan sila libre nga HIV testing.
