CAGAYAN DE ORO CITY-Gitutukan karon sa city govt ang paghatag ayuda sa libuang pamilyang bakwit gikan Marawi City nga nahimutang sa 12 ka brgy sa syudad.
Kini sa tuyo nga mahagatan usab sa solido nga seguridad ang dakbayan batok mohimo’g sabotahe sa kahusay’g kalinaw niini.
Matud ni CSWD officer Teddy Sabugaa nga partikular nga gitutukan sa mga otoridad ang mga bakwit sa mga Brgy Puerto;Balulang;Iponan;Macabalan;Kausawgan;Pagatpat;Canitoan;Patag;Cogon,Brgy 31 ug bisan ang
Brgy Barra, Opol,Misamis Oriental.
Samtang gipaniguro sa kasundaluhan ug kapolisan nga luwas batok sa bisan unsa nga bahad sa terorismo ang katawhan nga nanimuyo sa kalungsuran ug mga syudad nga sakop sa Misamis Oriental.
Kini human kabahin ang lalawigan ug bisan ang lalawigan nga gidangpan sa libuang bakwit nga biktima sa kagubot didto sa Marawi City.
Gibutyag ni MisOr-PDRRMD head Fernando ‘Sotsot’ Dy Jr nga gipa-isplikar sa provincial govt ang mga opisyal sa kapolisan ug militar kon unsa’y ilang gihimo ilabina nga nagpadayon ang kagubot sa silingang syudad sa lalawigan.
Partikular nga gitutukan sa mga otoridad ang lungsod sa Opol ning lalawigan diin daghang bakwit ang nagpasilong sa ilang mga paryente.
