CAGAYAN DE ORO CITY – Gipaubos na sa kuwarantinas ang 12 ka direct contact sa 77 anyos nga babaye nga suspected COVID-19 positive diha sa Brgy Canitoan ning syudad.
Kini human nakasinati sa grabeng hilanat ug pag-ubo ang biktima nga nadala sa J.R Borja City Hospital ayha nabalhin sa Northern Mindanao Medical Center.
Miingon si City Health Office epidiomologist Dr Joselito Retuya nga nakuhaan na sa swab sample ang biktima aron sutaon kon coronavirus ang hinungdan sa kamatayon niini.
Una nang mibalibad na ang pamilya sa biktima nga ipaubos pa sa sensitibo nga hospital procedure dihang nahidangat sa NMMC sa miaging adlaw.
