CAGAYAN DE ORO CITY – Misaka pa sa 11 ka tawo ang biktima sa pabuto samtang paangat ang pagsaulog sa bag-ong tuig sa Northern Mindanao.
Kini human kompirmaha ni Jasper Kent Ola sa DoH 10’s Regional Epidemiology Surveillance and Disaster Response Unit nga nakatutok sa maong kasaulugan.
Siya miingon nga maoy nadugang sa unang siyam ang duha ka pulos menor de edad nga taga-Bukidnon.
Miingon si Ola nga sa 11 ka nabuthan,siyam niini ang pulos mga menor de edad nga gamit ang gidili nang daan nga mga pabuto.
Hinoon,walay seryoso nga nabuthan sa maong klase sa mga pabuto.
Sa pagkutlo usab ning balita,dugang menor de edad nga ang nadala sa ospital ning syudad kay nabuthan sa pabuto ang tiil.
Hisayrang unang nagbaton sa upat ka nabuthan ang Misamis Occidental,duha sa Lanao del Norte,duha sa syudad ug usa sa Iligan City.
