CAGAYAN DE ORO CITY – Misaka na sa dose ang ihap sa mga nagpositibo sa coronavirus disease sa dakbayan. Kini human nagpositibo sa swab testing ang bana ug anak sa namatay’ng 62-anyos nga COVID-19 patient diha sa Macanhan, Brgy Carmen ning syudad.
Miingon si City Mayor Oscar Moreno nga kasamtangang naka-kwarantinas sa city Isolation Unit ang maong mga pasyente nga pulos mga asymptomatic.
Sa pagkakaron, misaka na usab sa 29 ang nagpositibo sa virus sa tibook rehiyon 10 diin 836 ang mga suspect cases; 563 ang nag-negatibo sa RT-PCR ug 16 ang pending results.
Hisayran nga tulo na ang active case sa Covid-19 sa syudad lakip na ang 25-year old female architecture student nga taga Barangay Lumbia ning syudad.
