CAGAYAN DE ORO CITY – Misaka na sa 12 ka mga giingong online scammers ang gipasakaan sa kasong large scale estafa sa National Bureau of Investigation (NBI) tungod sa daghang mga reklamo nga nalambigit sa mga dagkong kantidad.
Sumala pa ni NBI-10 head agent Atty. Alex Caburnay nga maoy dugang nga iyang gikasuhan sila si Jelly Rose Ordemo, Maria Kathrina Cabeltes, Rika Bea Lubino-Baleli ug Jean Monsanto.
Asoy pa ni Caburnay nga daghan pa mga scammers ang anaa sa iyang listahan nga iyang pasakaan sa kaso.
Hisayran nga balhog na sa Lumbia City Jail ang giila nga “BIG 4” sa online scamming nga sila si Antonette Sestoso, Rhea Vallejos, Wenchelmie Acosta ug Mary Ann Villapa.
NBI-10 head agent Atty. Alex Caburnay
