CAGAYAN DE ORO CITY – Gisunog sa taga-National Meat Inspection Services o NMIS -10 ang anaa sa dose ka tonelada nga ‘dressed chickens’ nga iya sa dakong negosyante dinhi sa syudad.
Miingon si NMIS 10 regional director Dra. Angelita Barcelona nga epekto kini sa pag-positibo sa maong mga manok sa bacteria nga ‘salmonella’ nga peligro sa panglawas sa tawo.
Gibutyag ni Barcelona nga unang mihimo sa pagsusi ang ilang meat inspectors sa cold storage facility diin nahimutang ang mga manok ug kini nasuta nga positibo sa bakterya.
Kini ang rason nga gisulod ang maong mga manok sa rendering plant facility sa lungsod sa Tagoloan,Misamis Oriental aron ipaubos sa pagsunog.
Nagpasidaan si Barcelona nga dili mahimong kan-on ang bisan unsa nga pagkaon kon kini mag-positibo sa bakterya nga peligro sa panglawas sa publiko.
