Proklamado na isip senators elect ang 12 ka kandidato pagka-senador nga nakakuha sa ‘winning votes’ sa milabay’ng Mayo 12 nga eleksyon sa Pilipinas.
Kini human sila ang tagsa-tagsa nga gipangtawag sa mga komisyoner sa Commission on Elections o Comelec aron opisyal nga ilhon ang ilang kadaugan sa pagka-senador sa nasud.
Nag-una sa adunay pinakadaha’g suprtada nga pagka-senador ang alyado ni kanhi Pres Rodrigo Duterte nga si re-elected Senator Christopher ‘Bong’ Go nga adunay 27 milyones,121-mil,073 botos.
Nagsunod kaniya ang wala damha nga mag-numero dos si comeback Senator elect Bam Aquino nga naghupot sa 20 milyones,971-mil,899 botos.
Namintinar sa ikatulong puwesto ang laing alyado ni Duterte nga si re-elected Senator Ronald ‘Bato’ de la Rosa nga naghupot sa 20 milyones,773-mil,946 botos.
Ikaupat ang House Deputy Leader nga alyado ni Pres Bongbong Marcos nga si ACT-CIS partylist Rep. Erwin Tulfo nga adunay 17 milyones,118-mil,881 botos.
Gipakuratan usab ni kanhi Senador Atty. Kiko Pangilinan ang kadaghanan nunot sa pagsilbing numero singko sa puwesto diin siya nakakuha sa botos nga 15 milyones,343-mil ,229.
Nagkupot sa ika-unom nga puwesto ang independente nga gipaluyuhan ni sa mga Duterte nga si Sagip partylist Rep. Rodante Marcoleta nga 15 milyones,250-mil, 723 botos.
Anaa usab sa ikapito ug ika-walo nga puwesto ang beteranong mga kanhi senadores nga sila Panfilo Lacson ug Vicente ‘Tito’ Sotto III.
Si Lacson adunay 15 milyones,106-mil,111 samtang si Sotto nagbaton usab sa 14 milyones,832-mil, 996 botos.
Nasublian usab sa laing termino pagka-senador si Pia Cayetano diin nagsilbing ika-siyam nga nakakuha’g 14 milyones, 573-mil, 430 botos.
Pinakaunang napili nga bag-ong senador ug nagsilbing ikanapulo nga puwesto si Pasay City Rep. Camille Villar nga nahatagan sa botos nga 13 milyones,651-mil,274.
Anaa usab sa ika-onse nga puwesto ang hilom apan dagha’g napasar nga balaodno nga si actor-politician Senador Manuel ‘Lito’ Lapid Jr nga nakasakmit sa 13 milyones,394-mil,102.
Ika-dose ang sakop sa Alyansa candidates ni PBBM apan nagpa-endorso kang VP Sara nga si presidential sister re-elected Senator Imee Marcos nga adunay 13 milyones,339-mil,227 botos.
Kini sila ang mo-kumpleto sa 24 ka senador alang sa 20th Senate diin kabahin sa ilang bug-at nga trabaho ang pagtaral kang VP Sara kinsa nag-atubang sa articles of impeachment nga mugna sa administrasyon.
Hisayrang nagkinahanglan sa 2/3 votes aron makonbikto si VP Sara apan kung makakuha usab kini sa bisan siyam lang ka senador sa senado,malinggawas niya ang tinguha nga pagpapha kaniya sa puwesto.
