Pagpatuman sa 1,200 pesos nga living wage nationwide ang gipamugos sa grupong Kilusang Mayo Uno (KMU) atol sa nahitabong White Ribbon March sa EDSA.
Sumala sa grupo, dili na igo ang kasamtangang sweldo sa mga mamumuo aron itubag sa pagsaka sa presyo sa mga palaliton ug bayronon.
Busa, gipadayag sa KMU nga angay na gayod bungkagon ang Regional Wage Boards ug ibalik ang National Minimum Wage aron maseguro ang desenteng kinabuhi sa matag pamilyang Pilipino.
Gihagit usab nila ang gobyerno nga paminawon ang singgit sa mga mamumuo nga makadawat og makabuhi nga suholan sa tibuok nasod.
