CAGAYAN DE ORO CITY – Napun-an ang ihap sa mga dinakpan sa kapolisan nga nakasupak sa nagkadaiyang lagda sa balaod ilabina sa pagsupak sa Dangerous Drugs Act of 2002 palibot sa Northern Mindanao region.
Namahayag si Police Regional Office 10 Director Brig Gen Ricardo Layug Jr nga sa magkalahing anti-criminality operations sa lower units sa rehiyon, anaa sa 121 ka indibidwal ang nangadakpan.
Kini gilakipan sa 64 ka drug suspects ang nasignit sa 51 ka operasyon rason nakompiskar ang 131.073 gramos sa gitoohang shabu nga nagkantidad sa sobra 890-mil pesos.
Nadakpan usab ang halos 50 ka tawo nga nalambigit sa illegal gambling activities.
Gawas niini, nakuha usab ang lima ka most wanted persons ug laing 41 nga nag-atubang sa nagkadaiyang kaso.
