CAGAYAN DE ORO CITY – Nagpasilong sa nagkalain-laing evacuation centers ang inisyal 124 ka pamilya o 500 ka indibidwal nga apektado sa dakong sunog sa St John,Brgy Puntod nga mitabok sa Brgy Lapasan sa syudad.
Kini human unang napasagdan sa magtiayong Alejandro ug Lucia Diaz ang gigamit nila nga kahoy sa pagluto sa pamahaw.
Miingon si BFP District Executive Senior Officer SFO3 Samson Velarde nga paspas ang pagkaylap sa kalayo sa mga silingang balay ilabina nga natung-an ang pinuy-anan sa magtiayong Diaz sa Sr San Isidro Labrador ug St John nga bahin sa duha ka brgy.
Gikompirmar usab ni Velarde ang pagkaangol sa lima ka residente apan giklaro nga walay missing sa maong sunog.Mitala’g tunga sa milyon ka pesos nag damyos sa sunog sa miaging semana.
