CAGAYAN DE ORO CITY – Natibawas ang laing kasaulugan sa pista sa Itom nga Nazareno nga ‘zero casualty’ ang monitoring sa mga otoridad sa dakbayan.
Kini human bubu-i sa daghang mga pulis kuyog ang Task Force Oro, snippers ug force multipliers ang kapistahan subay sa hangyo sa simbahang Katoliko.
Nangunay sa pag-obserbar sa seguridad si Police Regional Office 10 Director Brig Gen Jaysen De Guzman diin siya saksi sa gipatuman nga kahugot sa pagbantay sa mga deboto nga nag-apil sa prosesyon.
Siya miingon nga gibuhusan nila sa igong puwersa ang kalihukan aron wala na’y pangayu-on pa nga ayuda ang Cagayan de Oro City Police Office.
Hisayrang anaa sa 13-mil ka deboto ang naki-prosesyon sa Black Nazarene samtang naka-signal jamming ang linya sa komunikasyon kagahapong adlawa.
