CAGAYAN DE ORO CITY-Gi-relib sa PNP-10 ang 13 ka opisyal sa Cagayan de Oro City Police Office o COCPO ning syudad epektibo niadtong Pebrero 1 ning tuiga.
Kini subay sa PNP regional promotions board office nga pirmado ni C/Supt Timoteo Pacleb.
Gibutyag ni COCPO spokesperson C/Insp Mardi Hortillosa nga kabahin sa apektado ang mga kumander nga gikan mga police station sa Bulua;Carmen;Divisoria;Macabalan;Macasandig;Lumbia ug bisan ang pipila ka special units sa Maharlika Headquarters.
Una nang gi-destino ang maong mga apektadong police commander sa Misamis Occidental,Misamis Oriental samtang ang uban mismo sa Camp Alagar diin nakabase ang PNP-10 headquarters.
