CAGAYAN DE ORO CITY-Gikasuhan na sa Cagayan de Oro City Police Office o COCPO ang 4 ka personalidad nga nakasupak sa gun ban ingon man ang 9 ka personalidad nga nadakpan sa liquor ban.
Sumala ni COCPO spokespeson Supt Mardi Hortillosa nga ila nang gikasuhan ang mga suspek aron matagam ug makaamgo sa sala nga ilang nahimo.
Depensa pa niini nga bisan simple lamang nga kaso ang liquor ban apan insulto kini sa mga otoridad ilabina nga nasapon nga nag-inom ang mga suspek sa pampublikong lugar.
Una nang gitin-aw ni Hortillosa nga bisan sa ilang mga nadakpan, pabiling generally peaceful ang pagpahigayon sa Barangay ug SK elections sa syudad.
