CAGAYAN DE ORO CITY- Gisakmit sa delegasyon gikan sa Cagayan de Oro City ang trese ka bulawan sa pagsalmot niini sa International Math Olympiad sa Phuket City,Thailand sa miaging semana.
Kini ang malipayon gipahibalo ni City Mayor Oscar Moreno dihang nag-courtesy call ang mga tinun-an nga mi-representar sa dakbayan sa maong kompetisyon.
Miingon si Moreno nga dakong kadungganan ang nahatag sa maong kabataan nga naggikan sa pribado ug pampublikong tunghaan sa syudad aron sakmiton ang mga medalya,merit ug special awards kontra sa mil-700 ka finalists gikan sa 23 ka kanasuran.
Dugang sa mayor nga pagmatood lamang kini nga dekalibre ang gibatunan nga pangutukan sa mga estudyante nga gikan sa Northern Mindanao partikular dinhi sa dakbayan.
Una nang misakmit sa pito ka medalyang bulawan ug tagtulo ka silver ug bronse ang delegasyon sa syudad sa maong kompetisyon.
Midawat usab ang Team CdeO sa upat ka merit awards ug special award sa maong higpit nga kompetisyon nga giilogan sa 23 ka kanasuran niadtong petsa 5 ngadto 8 sa Abril ning tuiga.(Myiah Panganiban,CdeO’s City Information Office Intern)
