Mikalas na sa 13 ka tawo ug dul-an gatos ang natalang samaran sa dust storm ug kusog nga pag-ulan sa Punjab Pakistan.
Namahayag ang Provincial Disaster Management Authority (PDMA) nga laing 92 ka tawo ang nadala sa hospital gumikan sa hitabo.
Tungod sa kakusog sa hangin 10 ka tawo ang namatay sa pagkahugno sa ilang mga puy-anan.
Patay usab ang usa ka construction worker ug 5 ang samaron human mahugmak ang atop sa lokal nga pabrika sa Punjab.
Samtang laing usa ka tawo ang namatay human malatigo sa kilat.
