CAGAYAN DE ORO CITY – Luwas ra sa kuyaw nga kahimtang ang 13 ka biktima nga naglakip sa ubay-ubay’ng kabataan sa pagkahaybol sa elf truck sa Brgy Lingating,Baungon,Bukidnon.
Kini human nadali pagdala sa magkalahing ospital sa Cagayan de Oro City aron mahatagan sa medikasyon gumikan sa aksidente.
Namahayag si Baungon Police Station deputy commander Lt Deogracias Gulayan nga padulong mangaligo’g resort ang mga biktima dihang nawad-an sa preno ang trak nga gimaneho ni Joel Barbosa hinungdan sa aksidente.
Hinoon,dili grabe ang pagka-disgrasya sa sakyanan rason paspas nahaw-as ang mga biktima nga gipangdala sa JR Borja General Hospital ug Northern Mindanao Medical Center.
Hisayrang isaulog unta sa kapikas ni Barbosa ang adlaw’ng natawhan niini apan nahulipan sa dugu-ong disgrasya ning adlawa.
